Ubalehe unaweza kuwa safari nyororo

Usiifanye pekee yako

Ubalehe unaweza kuwa safari nyororo

Miili yetu hubadilika sana wakati wa ubalehe, na wasichana wengi hushangaa kama wao ni wa kawaida. Mabadiliko haya yanaweza kuwa yenye hisia za kuchanganya, lakini kuwa na uwezo ya kujifunza juu ya hisia hizo, na kuzungumza na marafiki wa karibu au familia, kunaweza fanya safari isiwe ya kutisha sana. Nilipoanza kubalehe, niliamua kumshirikisha rafiki yangu wa dhati, ingawa mwanzoni nilihisi aibu kidogo kuhusu jambo hilo. Kuzungumza kwetu kulitufanya tujiamini na kutokuwa wapweke.

Ubalehe huanza tunapokuwa na umri kati ya miaka 8-14. Wakati wa mabadiliko haya, mwili wako hutoa homoni kadhaa, na hizi huhimiza ovari zetu kuanza kuzalisha estrojeni. Wakati mwingine mtiririko huu wa homoni hutufanya kupata hisia na kuchanganyikiwa. Hii ni ya kawaida, lakini ni muhimu kujua kwamba unaweza kushiriki hisia zako na marafiki na watu wazima walioaminika. Watakusaidia kupunguza upweke, na wanaweza kukukumbatia au kukupa ushauri unapohisi huzuni. Ni kawaida kutojiamini wakati wa ubalehe. Mabadiliko mengi yanatokea, na wakati mwingine tunajilinganisha na marafiki zetu. Kumbuka kila mtu yuko katika safari yake mwenyewe, na kila mtu hubadilika katika wakati wake mwenyewe.

Ubalehe wako unapoanza, utapata mabadiliko machache ya mwili pia. Wakati mwingine mabadiliko haya ya kimwili yanaweza kukufanya uwe na hisia. Inaweza kuwa ajabu kuona mwili wako ukibadilika na wasiwasi ni sehemu ya mchakato huo. Unaweza kuongezeka uzito, na kuna uwezekano mkubwa matiti yatakua na kupata nywele kwenye sehemu kama makwapani, miguuni, na kwenye maeneo ya kuzunguka uke. Mabadiliko haya hutokea kwetu sote lakini yanaweza kuwa yenye hisia za ajabu mwanzoni. Ndiyo maana ni muhimu kushiriki hisia zako na marafiki zako. Ikiwa una marafiki wa nguvu wa kike karibu nawe, utayapitia haya kama bingwa.

Kuomba msaada kunaweza kuogofya wakati mwingine, lakini kuzungumza na rafiki yangu wa dhati kuhusu ubalehe ni jambo bora zaidi nililofanya. Tulipata kushiriki tuliyoyapitia, na ilimaanisha kwamba daima nilikuwa na mtu kando yangu aliyeelewa niliyokuwa nikipitia. Ubalehe unaweza kuwa safari nyororo, ilimradi una wapendwa kando yako!