Nilimchukua rafiki yangu kwenda kujivinjari!

Nilimchukua rafiki yangu kwenda kujivinjari!

Siku za likizo zilikuwa zimekaribia na mwaka ulikuwa umekuwa wenye shughuli nyingi kwangu na kwa rafiki yangu. Tulikuwa tumekamilisha tu mtihani wetu wa mwisho na hatukuwa na muda mwingi wa kuwa pamoja.Nilikuwa nimeanza kuwa mwenye huzuni kiasi. Niliamua kumwambia dadangu mkubwa jinsi nilivyokuwa nikijihisi. Nilianza kulalamika kuhusu jinsi nilivyokuwa ninamkosa rafiki yangu mpendwa. Kwa kawaida tungekuwa tunacheka na kufanya mizaha wakati wote, lakini siku hizi ilionekana kuwa hakuwa na muda wangu. Dadangu alinikumbusha kuwa urafiki una kazi, hasa maisha yanapokuwa na shughuli nyingi. Alipendekeza kuwa nipange kitu cha kufurahisha ili kutuleta pamoja tena. Wazo zuri sana hilo!

Nilikuwa na mawazo mengi zaidi kuhusu kile ambacho ningependa kufanya na rafiki yangu mpendwa. .. Nilichukua kalamu na karatasi na kuandika orodha ya mawazo yangu: ‘Matembezi ya kupendeza, kuogelea mtoni, kuenda densi, ziara mbugani...' Yote yalionekana kuwa ya kupendeza, lakini nilitaka kufanya kitu tofauti.

Baadaye mchana huo, nilizungumza na mamangu. Rafiki yangu anapenda kula chakula kitamu na alipendelea kila wakati kujifunza kuhusu viungo ambavyo mamangu hutumia. Nilijua kuwa atapendezwa zaidi na kupika. Nilipomwelezea mamangu wazo langu, alifurahi zaidi. Aliniambia kuwa atatufunza jinsi ya kutengeneza mkate wa kujitengenezea nyumbani katika jiko la nje, mchuzi wa nyama na kitindamlo kitamu..

Siku iliyofuata shuleni nilimpa rafiki yangu mpendwa kadi ya kujitengenezea iliyosema: ‘Siku ya kuvinjari ya Kushtukiza – Jumamosi hii’ na nilimweleza kuwa tukutane saa 6 kamili mchana.

Tulikuwa na muda wa kupendeza zaidi. Mamangu alituonyesha ujuzi mwingi wa ajabu na baadaye tulitengeneza karamu yetu ya kufana, tuliifurahia kwa pamoja kwenye bustani. Tuliketi kwenye blanketi la ziara na kuhesabu nyota huku tukila chakula chetu cha ajabu. Rafiki yangu mpendwa alinishukuru kwa kuchukua muda wa kuupa urafiki wetu kipaumbele na akaahidi kupanga kukutana tena hivi karibuni! Ninajivunia kwa kupanga siku ya kupendeza zaidi! Ni muhimu hata wakati wa shughuli nyingi kutenga muda wa kuwa na marafiki zetu na kuonyesha shukrani zetu!